Three's a company

Jæja þá erum við bara þrjú í kotinu. Siggi fór yfir móðuna miklu sem sest yfir Atlandshafið á heitum sumardegi, til að fara að vinna á Íslandi. Æ hvað við eigum eftir að sakna hans : (
Annars er lítið nýtt að frétta. Friðrika fékk útskriftarskýrteinið sitt í gær við hátíðlega athöfn sem haldin var í skólastofunni hennar. Nú er hún sem sagt búin með "Børnehave klasse" eða núllta bekk. Krakkarnir sungu fyrir okkur og svo var þeim afhent mappa með samansafni af myndum og atburðum liðins árs auk skírteinisins. Þetta var allt mjög sætt. Ég var reyndar alveg búin á því þegar heim kom og þakkaði Guði fyrir nihola hjólið (eins og Kristianíu hjól) þeirra Möggu og Svenna. Ég veit annars ekki hvernig ég hefði komið okkur öllum heim á einu venjulegu hjóli með köku, heitan rétt og tvö börn. Það hefði allavega verið skrautlegt. Þetta var búin að vera langur og strangur dagur og ég var svoooooo fegin þegar þau sofnuðu og ég gat hent mér í sófann til að slökkva á heilanum. Og viti menn lenti inná bara helv... góðri mynd sem ég hafði ekki séð áður!!!!!! Hún heitir Moonlight Mile og kom bara skemmtilega á óvart.
Í dag fórum ég og Jakob í dýragarðinn því hann er búinn að vera í fríi alla vikuna og ég lítið getað gert með honum. Það var svo margt nýtt að sjá, t.d. nýja flotta svæðið sem fílarnir eru búnir að fá og fullt af nýjum litlum krílum (glænýr kópur og litlir otra ungar) og breytingar í Tropizooinu sem er uppáhaldið mitt, þ.e.a.s. skrið- og skordýra hlutinn. Einnig voru birnir mjög líflegir í dag og tók ég nokkrar myndir þar sem þeir voru bara í því að stilla sér upp : )
Ég fékk boð um atvinnuviðtal í dag hjá Danisco á mánudaginn þannig að ég krosslegg fingurna. Alltaf gott að ná allavega inní viðtal hér þar sem það eru svo margir um hverja stöðu. Vona bara það besta og mæti súper jákvæð og tilbúin til leiks ; )
Ég læt fylgja nokkrar myndir frá liðnum dögum, njótið vel.
Kv. Gunnhildur og co.