Já við vitum það er alltof langt síðan að það var bloggað hér og við skulum lofa að bæta úr því. En þessa dagana höfum við verið löglega afsökuð Siggi er búinn að vera í prófum og Gunnhildur er búin að vera að mála gíra og græja svo þess á milli að sleikja sólina. Já það er sko búið að vera þvílíka hitabylgjan undanfarið og er nú þannig komið að við erum inni núna til að flýja sólina.

Jæja komum okkur nú að efninu og það sem aðer helst í fréttum er að hún Friðrika var að missa fyrstu tönnina. Nema hvað að hún missti hana í grasið þegar að hún var að skoða hana. Og þrátt fyrir að allir hafi lagst á fjórar fætur til að leita þá fannst hún ekki sem að er frekar fúlt. Engu að síður er hún rosalega stolt af þessum tímamótum og notar hvert tækifæri til að sýna holuna.
Í dag fórum við svo niðrí með krakkana þar sem að þau voru með takmark og það var að kaupa sér dót fyrir peningana sem að þau áttu. Allt tókst það á endanum og nú er Jakob sverði, Indiana Jones legoi og H&M poka ríkari. Friðrika fékk nýjan bangsa sem að hægt er að pakka saman í bolta, H&M klæði og vatnsbyssur. Þannig að þetta var ferð til fjár hjá þeim. En jæja ætla að fara að koma mér út í veðrið. Læt fylgja með nokkrar myndir síðan í gær.