Átakið,varnaliðið og kuldinn

Átakið

Átakið mitt byrjaði í gær og er ég byrjaður að lyfta á fullu og ætla ekki að stíga á vigt fyrr en Vigdís fer í klippingu sem að verður ekki alveg strax. Ég ætla ekki að létta mig heldur bara lyfta borða hollt og sjá svo hvort ég léttist eða þyngist. Get nefnilega ekki ákveðið hvorti mig langi að léttast eða verða hrikalega massaður. Ég ætla bara að líta vel út. Og allt er þetta gert fyrir brúðkaupið hennar Lindu. Nei djók en líka nátturulega. En ástæðan fyrir þessu átaki er að ég las grein nú í janúar um mann sem að hugsaði með sér einn daginn þetta er besta formið sem að ég á eftir að vera í ef að ég byrja ekki að gera eitthvað. Vá hugsaði ég og las greinina aftur og aftur áttaði mig svo á að ég er með of hátt kólestarol,Þvagsýrugigt og er alltaf eitthvað að mér í hnjánum. Veit að þetta er kannski ekki allt vegna þess að ég hreyfi mig ekki en kólestarolið mun læka og ef að líkaminn verður hraustari þá kannski verða hnéin í lagi. Skemmir heldur ekki fyrir að fara að sjá einhverja vöðva sem að eru bara einhverstaðar þarna undir í slökun.

Varnaliðið

Nú er varnaliðið farið og allt í veseni varðandi hvað eigi að gera við þetta landsvæði og þær 300 hundruð byggingar sem að eru þar. En ekki örvænta ég er með margar hugmyndir og ætla ég að vona að þegar Árni Sigfússon les þetta að hann verði í sambandi við mig. Ekki á að þurfa að taka það fram að ekki má nota þessar hugmyndir nema að borga mér höfundalaun.

Hugmynd 1

HVernig væri að hætta við að byggja hátækni sjúkrahús í Reykjavík og stækka bara og beturumbæta það sem að kanarnir skildu eftir. Ef að það yrði gert þá væri grundvöllur fyrir að færa reykjarvíkurflugvöll til Kef. Því ein af rökum fyrir því að færa ekki flugvöllin eru þau að hann verður að vera í nálægð við sjúkrahús. Setja íbúðarhúsnæðin sem að eru þarna á opin markað því fólk er alveg vilt í að kaupa húsnæði á Suðurnesjunum. Segir Haffi. Einnig er hægt að brjóta niður þau hús sem að eru ekki nothæf og selja lóðirnar undir nýbyggingar. Því ég held að það sé næg eftirspurn eftir lóðum þar sem að er öll þjónusta fyrir.

Hugmynd 2

Girða Vestmannaeyjar af og flytja alla Vestmanneyinga á svæðið og breyta Vestmannaeyjum í fangelsi. Svo til að Vestmanneyjingum finnist þeir vera á eyju þá verður hliðinu lokað svo að þeim líði eins og það sé ófært til eyja eða að Herjólfur sé í slip.


Hugmynd 3

Var með þessa hugmynd í kollinum áðan en hæun er farinn þannig að ég kannski hendi henni inn á morgunn. En endilega ef að þið hafið hugmynd þarf að vera góð skrifið hana þá inn á commentið.

Fréttir

Annars er allt í stuði hér það snjóar og er kalt en þá kenur sér vel að eiga föðurland úr kanínuull sem að mamma og Siggi gáfu okkur. Og það eiga allir einn stakk.
Það er frekar erfitt að hjóla í vinnuna vegna kulda, og þegar að ég loksins kem í vinnuna þá er mér búið að vera svo kalt svo lengi að mér er bara orðið hlýtt í kuldanum. Spurning um eitthvert stig ofkælingar.
Friðrika fékk bréf frá grunnskólanum sem að hún ætlar að fara í og henni tilkynt það að það væri þeirra heiður að fá hana í skólan eftir sumarið. Haldiði að hún hafi verið montinn að fá bréf frá skólanum?
Jakob er hættur að leggja sig á leikskólanum þess í stað kemur hann heim leggst fyrir framan Disney channel og tekur smá lúr. Erum að reyna að koma í veg fyrir þetta og það tókst í kvöld bara vonandi að hann sofi hrikalega vel í alla nótt.

Atvinnuauglýsin

Ein smá auglýsing veit einhver um smiði sem að hafa áhuga að vinna í DK þeim yrði reddað húsnæði fyrir sangjarnan pening og fengju mjög góð laun. Eina skilyrðið er að þeir þurfa að geta unnið.