Jæja.........þá kemur update og myndir!!!

Nú er löngu komið að því að við bættum við myndum enda fjölskyldan farin að kvarta yfir aðgerðarleysinu í okkur!

Við viljum byrja á því að þakka mömmu(Ástu tengdó)fyrir að hafa komið til að hjálpa og vera okkur innan handar. Bara svo þú vitir það mamma þá þótti okkur þetta ómetanlegt, þú ert alveg einstök, takk fyrir alla hjálpina. Elskum þig : )

Og til þeirra sem eru búnir að kommenta, takk fyrir allar fallegu kveðjurnar : )

Eftir að hafa fengið að vera fjóra daga inná spítalanum fórum við mæðgin heim. Ég var búin að ná mér vel eftir aðgerðina og Patrik Þór bara fullkomlega heilbrigður og tilbúinn að fara heim. Við erum búin að njóta þess að vera saman sem stækkuð útgáfa af vísitölufjölskyldu og Jakob og Friðrika keppast um að hjálpa til með Patrik Þór og vera í kringum hann. Við erum svo glöð með hvað þau eru góð við hann og hrifin af honum. Patrik Þór virðist líka vera mjög sáttur við lífið og tilveruna, sefur nær allan daginn, drekkur eins og hershöfðingi og vaknar varla meira en tvisvar á næturna. En hann er duglegur að skoða í kringum sig þau augnablik sem hann er vakandi og finnst gaman að stara framan í andlitin á Jakob og Friðriku.
Við erum einnig búin að vera dugleg að fara með hann aðeins út í vagninum, bæði þar sem veðrið er búið að vera svo gott og létt hreyfing flýtir fyrir mínum bata. Hann kann vel að meta ferska loftið og sefur vel í vagninum.

Laila frænka,og sætu mæðgurnar Valla, Júlía og Diljá skelltu sér til Kaupmannahafnar í fjóra daga og komu í smá heimsókn. Þó að við gátum ekki eytt miklum tíma með þeim var engu að síður gaman að ná að hitta þær og fá smá frænku skammt, sem ég hef sérstaklega saknað. Það er fátt jafn skemmtilegt og kært eins og frænku hittingarnir. Og elsku Íris mín, við hittumst bara við annað tækifæri. Ég veit að það var alveg brjálað að gera hjá þér. Sá myndir hjá mömmu frá Carnegie afhendingunni (sem by the way hefur án efa toppað árið eða áratuginn hjá mömmu) og þú leist ekkert smá vel út. Alltaf jafn sæt.

Og í tilefni dagsins í gær viljum við óska Alex og Línu innilega til hamingju með nafnið á litla prinsinum.

Þar sem maður er búin að vera frekar upptekinn af sér og sínum þá hafa nokkrar kveðjur gleymst, þannig að við viljum nýta tækifærið nú og óska Peter og Lindu til hamingju með Leu Dís þann 15.sept og Möggu og Óla til hamingju með Maríu pæju þann 20.sept.

Nú erum við byrjuð að einbeita okkur að því að finna taktinn í hversdagsleikanum og Siggi byrjaður á fullu aftur í verkefninu sínu. Krakkarnir eru eins og vanalega í skólanum og leikskólanum, eina nýja er að þau eru bæði byrjuð í fimleikum einu sinni í viku. Jakob í hóp sem kallast Tumletroldene sem minnir á leikjanámskeið með fullt af þrautabrautum og skemmtilegum leikjum. Hann elskar þetta og bíður spenntur eftir hverjum tíma. Friðrika er á námskeiði sem heitir Springtöserne fyrir 7 til 10 ára stelpur. Þar læra þær grunninn að gólfæfingum og trampolín æfingum. Það er svo gaman að horfa á hana hún er svo áhugasöm og ófeimin, enda finnst henni þetta alveð æði. Stoltið skín af henni eftir hvern tíma.

Hér koma nokkrar myndir í tímalínu frá degi eitt til ca. dagisins í dag:


14.sept. Gunnhildur og Siggi að hjóla upp á spítala klukkan 6.45 um morguninn.


Komin í gallann á leið uppá skurðstofu.


og svo var hann kominn í heiminn, 3,5 kg og 52 cm.


Gunnhildur brosandi í gegnum tárin með Sigga. Var að sjá Patrik Þór í fyrsta sinn.


Og svo vorum við komin inná stofuna okkar til að hvíla okkur.


Amma og systkinin að dást að nýfæddum Sigurðssyni.


Stoltur faðir.


Siggi að gera Patrik Þór kláran fyrir heimför.


Alveg að verða tilbúinn...


og svo kominn í flotta heimfaragallann sem að amma Ásta og afi Baldvin gáfu honum


Gunnhildur á leiðinn heim og lítur bara vel út miðað við allt sem á undan gekk.


Jakob með bróðir sinn. Hann getur ekki beðið eftir að fara að byrja að kenna honum að skríða.


Friðrika stolt systir með bróðir sinn.


Friðrika að dást að nýja bróður.


Feðgar að fá sér kríu.


Friðrika að passa Patrik Þór


Bræðurnir nývaknaðir.


Strákarnir saman í rúminu hjá Jakob


...hverjum líkist ég?