14,141

Jæja þá loks sest maður við skriftir enn á ný ekki það að neitt markvert hafi gerst síðan síðast heldur bara þörfin til að skapa rekur okkur áfram.

Við höfum verið heldur róleg í tíðinni og reynt að njóta samveru hvors annars. Skelltum okkur öll í dýragarðinn síðasta laugardag með nesti og alles og kíktum á flóðhesta og fleira. Eyddum þar nærri heilum degi, sem er alltaf jafn gaman. Sunnudagurinn var ekki eins viðburðaríkur en smá hreyfing engu að síður. Við mættum á fælles morgunmat uppi á 11. hæð og var þar margt um manninn. Síðan var farið heim, spilað og haft það kósí. Siggi hjólaði á Paradis og keypti fullt af ís og svo var horft á Star Wars að ósk Jakobs. Ekta letidagur.

Friðrika komst loks í skólann í gær þar sem hún var búin að vera veik meirihluta síðustu viku og svo var frí í skólanum hjá henni á mánudaginn. Hún var farin að sakna pínu vinahópsins sem við fengum að vita í kvöld, á foreldrafundi á frítids-heimilinu, er kallaður De Fantastiske Fire. Þetta viðurnefni fengu þær því þær eru alltaf fjórar vinkonurnar saman, leikandi sér í sínum eigin hugarheimi og víkja vart frá hvor annarri. Allt sem við fengum að heyra um hennar daglega líf á 'fríddaranum' var mjög jákvætt og áhugavert enda ekki við öðru að búast.

Jakob er alltaf jafn eiturhress, er að fara með leikskólahópnum sínum í dýragarðinn í fyrramálið og hlakkar mikið til. Einnig er hann byrjaður að tala mikið um 'kolonie' ferðina sem er í maí. Þá fara allir krakkarnir á leikskóladeildinni í þriggja daga ferðalag upp í sveit bara með fóstrunum. Þetta verður í annað skiptið sem hann fer í slíka ferð, en í fyrra, þegar systir hans var með, var maður samt með smá hnút í maganum yfir að senda börnin sín ein í burtu. En þeim fannst þetta algjört æði og ætli það sé ekki góðs viti að honum er strax farið að hlakka til ferðarinnar í ár.

Nú eru rétt rúmir tveir dagar þar til við förum í sumarbústaðinn með Solbakka genginu, núverandi og fyrrverandi. Fyrsta mál á dagskrá er að leigja bíl, búið að greiða bústaðinn og krónan alveg að gera út af við mann. Ef einstaklingur gæti barist við gengi krónunnar þá ætti hún á hendur sér lítið stríð frá íslendingum búsettum í Danmörku. Í hvert skipt sem maður kíkir á gengið er þetta líkt og að lesa skáldsögu, hugsar maður með sjálfum sér, því þetta einfaldlega er ekki að gerast. En þrátt fyrir væl, þá líður okkur vel í Danmörku.

Svo eftir viku í bústað mun gleðin halda áfram því þá mun Ásta Lín og fjölskylda hennar heiðra okkur með heimsókn. Það getur ekki klikkað, jeeeiii : )


Vildi koma smá upplýsingum á framfæri um staðsetningu okkar næsta sumar. Sem sagt, Siggi verður að mestu á Íslandi en vonandi með annan fótinn (sætti mig við tá eða hæl) í Danmörku, en ég verð í Baunalandi allt sumarið, until further notice! Eins gott að sólin verði réttu megin við hafið.

Og svona rétt í lokin:

"Elsku Sessó velkomin í fullorðina manna tölu. Vonandi áttirðu góðan dag. Risa knús."

"Innilega til hamingju með áfangann Embla. Or should I say Doctor Embla!!!!!"