kæra Ásta

Fyrir ykkur sem að lásuð commentið hér að framan þá hefur þættinum borist bón sem að er alveg sjálfsagt að verða við.

Kæra Ásta
Héðan er allt gott að frétta ástæðan fyrir að engar fréttir af fjölskyldunni hafa komið hérna inn er vegna próftarnar ritstjóra en sú törn er búinn í bili.
Friðrika dafnar og dafnar og er alltaf að koma okkur á óvart með tilsvörum því maður kemur ekki að tómum kofanum þar á bæ. Mig langar að deila með þér samtali sem að ég átti við hana í gær til að skýra hvað ég meina hér að framann.

Við sátum við matarborðið að borða mangochutney já það sama og þú gerir en með nautakjöti. Jakob er eitthvað að vesenast og mamma hans var að sinna honum.
Siggi: Friðrika hvað langar þig að verða þegar að þú ert orðin stór
Friðrika: söngkona
S: og eitthvað annað sem að þig langar að verða
F: ummmm hárgreiðslukona
S: og eitthvað annað?
F: vinna á mcdonalds
S: eitthvað annað?
F: díses maður hvað á ég eiginlega að vera að vinna í mörgum vinnum maður.

Ég vissi ekki hvað var meira að bæta við en bara þú ákveður þig þegar að þú ert orðin stór.

Jakob dafnar og dafnar nú er hann að fara að skipta um leikskóla þar sem að það var verið að fara að taka nýtt hús í notkun sem að er við hliðina á gamla leikskólanum hans. Hann og nokkrir aðrir munu flytjast yfir á nýja leikskólann en þó mun vera sami leikvöllur og sömu gaurarnir og kannski nokkrir til.
Jakob er kominn með algjöran lubba og er hann staðráðinn í að safna meira hári nokkrar tilraunir hafa verið gerðar til að fá aðeins að snyrta toppinn en það kemur ekki til mála.

Gunnhildur er bara ánægð í vinnunni hún er kannski full metnaðargjörn og þarf þ.a.l að aðlagast dönskum vinnumarkaði. En annars gengur henni bara vel, en ekki hvað þar sem að allt sem að hún gerir það gerir hún vel.

Af mér er mest lítið að frétta nema það að það er ein prófatörn búin og tvær eftir. Fyrsta törnin gekk vel og nú er bara að halda áfram að hanna,teikna,gera skýrslur og reikna burðarþol jibbí.